இப்ப நான் என்ன செய்ய?

என்ன பதிவு போடுவது என்று மேட்டர் கிடைக்காமல் இருப்பது ஒரு வகை என்றால், கிடைத்த மேட்டர்களில் எதைப் பதிவில் போடுவது என்று குழம்பி, ஆரம்பிக்க முடியாமல் மண்டை காய்ந்து கொண்டிருப்பது இன்னொரு வகை.

நான் சொன்னதையும் கேட்காமல், அடக்க முடியாமல், அடங்கியிராமல் ஒருத்தன் நேற்றும், அதற்கு முன் தினமும் முட்ட முட்ட குடித்ததைப் பதிவாய்ப் போடலாம். ஆனால், அவன் பெயரைப் போட முடியாது. ‘இதை அவரையே அழைத்துச் சொல்ல்லியிருக்கலாமே?’ என்று கும்மத் தயாராய் இருப்பார்கள். ஆகவே, இதை அப்புறம் பார்த்துக் கொள்லலாம்.

அதே மாதிரி ‘குடித்ததால் எனக்கு விரைவில் மரணம் நேரலாம்’ என்று ‘தண்ணி’லை விளக்கம் அளித்த ஒரு இனிய நண்பர் ‘டேய்.. நான் செத்தா எனக்கு இரங்கற்பா நீ எழுதுடா’ என்றதை பதிவாக எழுதலாம். மனம் கேட்கவில்லை. அதற்குப் பதிலாக ‘நீங்க செய்யறது சரியா?’ என்று கேட்டு மின்னஞ்சல் அனுப்புதல் உசிதம். அதுவும் முடியவில்லை. காரணம், புரியாமல் செய்பவர்களுக்கு புத்தி சொல்லலாம். எல்லாம் தெரிந்தவர்கள் தவறு செய்கையில் வேடிக்கைப் பார்த்து அழும் மனம் மட்டுமே நமக்கு வாய்த்திருக்கிறது.

மின் தொல்லை காரணமாக சரிவரத் தூங்க முடிவதில்லை. படிக்க முடிவதில்லை. எழுத முடிவதில்லை. இப்படியே இருந்தால் என்ன செய்வது என்று சிந்தித்து சிந்தித்து முடி நரைக்கத் தொடங்கியாயிற்று. தூக்கத்தின் காதலர்களாகத்தான் எல்லாருமே இருக்கிறோம். தூங்காமல் இருக்க முடியுமா.. அட.. இந்தத் தூக்கத்தைப் பற்றி ஒரு பதிவு போடலாம். ஆனால் அதற்கு கொஞ்சம் விவரங்கள் சேகரிக்க வேண்டும், அரை மணிநேரத்தில் ஆகக்கூடிய காரியமில்லை அது. ஆகவே அதையும் தள்ளி வைக்கலாம்.

மங்களூர் சிவாவுக்கு வியாழக்கிழமை திருமணம். அவரை கன்னாபின்னாவென்று வாழ்த்தி ஒரு உருப்படியான பதிவு போடலாம். ஆனால் பதிவு கொஞ்சம் உருக்கமாக இருக்கவேண்டியது அவசியம். இப்போதுள்ள மூடில் அது சாத்தியமில்லை. ஆகவே, அதையும் தள்ளி வைக்கலாம்.

ஆளாளுக்கு எதிர்ப்பதிவு எழுத ஆரம்பித்துவிட்டார்கள். நாமும் ஒரு நல்ல பதிவை எடுத்து எடிட் பண்ணி கடகடவென்று எதிர்ப்பதிவு போடலாம். ஆனால் தமிழ்மணத்தைத் திறந்து பார்த்தால் உடனே எதிர்ப்பதிவு போடத் தோன்றுகிற மாதிரி ஒன்றிரண்டுதான் தேறியது. அதில் ஒன்று என் பதிவுக்கு நக்கல் நாயகன் குசும்பன் எழுதிய பதிவு. உடனே அதற்கு நானும் போட வேண்டாம், இன்னும் ஒரு நாள் போகட்டும் என்று விட்டு விட்டேன்! (ஆனால் சொல்ல முடியாது, இன்றைக்கே நேரம் கிடைத்தால் போட்டு கும்முவேன்!)

நாலைந்து புகைப்படங்கள் இருக்கிறது. அதை அப்லோடு செய்து வலைமக்கள் பார்வைக்கு வைக்கலாம். ஆனால் அது வீட்டு கணிணியில் இருக்கிறது. பென் ட்ரைவிலும் காப்பி செய்து வரவில்லை. அதனால் இப்போதைக்கு அது முடியாது.


இப்ப
நான்
என்ன
செய்ய?