விஜய் டி.வி-யில் வலைபதிவர்கள் நிகழ்ச்சிகள்!

விஜய் டி.வி-யின் நிகழ்ச்சிகள் இப்பொழுது உணர்ச்சிகளை வைத்துக் கொண்டு வியாபாரம் செய்வது போல ஆகிவிட்டது. யார் அடுத்த பிரபுதேவா, ஜோடி நெ. 1, சூப்பர் சிங்கர், கனா காணும் காலங்கள், தமிழ் பேச்சு என் எல்லா நிகழ்ச்சிகளிலும் ஏதாவது ஒரு அழுகாச்சியைக் காண்பிக்காமல் இருப்பதில்லை. அவர்கள் அழுவதெல்லாம் உனக்கு விளையாட்டா என்று கேட்காதீர்கள். அதெல்லாம் ஓக்கே, அதை அளவுக்கு அதிகமாய்க் காண்பித்து டிராமா பண்ணவேண்டிய அவசியம் என்ன வந்தது என்றுதான் கோபமாய் இருக்கிறது.

அடுத்தது என்ன ப்ரோக்ராம் செய்ய என்று விஜய் டி.வி.க்கு சில யோசனைகள் சொல்லலாமா என்று யோசித்தபோது, இப்போதைக்கு நடத்துகிற ப்ரோக்ராமையே வலைப்பதிவர்களுக்காக நடத்தினால் என்ன என்ற யோசனை வந்தது... இனி நிகழ்ச்சிகள்...



சூப்பர் பதிவர்:-


போட்ட பத்து நிமிடங்களில் சூடான இடுகைக்குப் போகவேண்டும்.

போட்ட உடனேயே தமிலிஷ்.காமில் முகப்பில் வரவேண்டும்.

கொஞ்ச நேரத்திலேயே பத்து, பதினைந்து பின்னூட்டம் வரவேண்டும்!

(இப்போதைக்கு இந்தவிஷயத்தில் யார் சூப்பர் என்று லக்கிருந்தால் தெரிந்துகொள்வீர்கள்!)


உங்களில் யார் அடுத்த குசும்பன்:-


எல்லாப் பதிவுகளிலும் போய் ஒன்றுக்கு மேற்பட்ட பின்னூட்டம் போட வேண்டும்.

அதில் சிலவற்றைப் பார்த்து வயிறு வலிக்கச் சிரிப்பு வரவேண்டும்.

சமீபத்திய சில புகைப்படங்களைக் கார்டூனாக்க வேண்டும்.

நீங்கள் பின்னூட்டம் போட்டிருக்கிறீர்களா என்று பார்த்து, பதிவை விட்டுவிட்டு உங்கள் பின்னூட்டத்தைப் படிக்கவே வாசகர்கள் வரவேண்டும்.


ஜோடி.நெ.1


இப்போதைக்கு இந்தப் போட்டியில் இரண்டுபேர் டைட்டிலையே வென்றிருக்கிறார்கள்.

1. யெஸ்.பாலபாரதி-மலர்வனம் லட்சுமி
2. மங்களூர் சிவா – பூங்கொடி

விதிகள் வேறொன்றுமில்லை... இரு ஜோடிகளுமே பதிவர்களாக இருக்க வேண்டும்!




விளம்பர இடைவேளைக்குப் பின் அறிவிப்புகள் தொடரும்...


டொட்டடாய்ங்......



























இன்று ஓணம் கொண்டாடும் சேச்சி, சேட்டன்மாருக்கு ஓணம் வாழ்த்துக்கள்!


அறிவிப்புகள் தொடர்கிறது...


நீயா-நானா:-


யாராடோவது பதிவுக்குப் போய் அவர் பதிவுக்கு எதிர் கருத்துக்களைப் போட்டு, அவரை வம்புக்கிழுத்து விவாதப் போர் நடத்தவேண்டும்.

இப்போதைக்கு டைட்டில் ஹோல்டர்: வால்பையன்


வலைப்பூ காணும் காலங்கள்


புதிதாக களத்துக்கு வரும் பதிவர்களுக்காக..

எல்லா பதிவர்களுக்கும் போய் பதிவைப் படித்து, பின்னூட்டம் போட்டு தான் ஆரம்பிக்கவிருக்கும் வலைப்பூவின் நிலைப்பாட்டை (மொக்கைப் பதிவா, சீரியஸா, அரசியலா) தெளிவுபடுத்திக் கொண்டு அவ்வகைப் பதிவர்களை அதிகம் வாசித்து......

இது ஸ்கூல் மாதிரி என்பதால் கொஞ்சம் சீரியஸான போட்டி!



பதிவர் சந்திப்பு எங்கள் மூச்சு


இது பதிவர் சந்திப்புக்கான போட்டி. எப்போதாவது ஒரு நாள் என்று மாதத்துக்கு ஒரு முறை அறிவிக்கப்பட்ட சந்திப்பும், அதுபோக வாரத்துக்கு ஒருமுறை அறிவிக்கப்படாத சந்திப்பும், இரண்டு நாட்களுக்கு ஒருமுறை மீன் வாங்கப் போகும்போது சந்திப்பும், அதுபோக 24 மணிநேரத்துக்கு ஒருமுறை காபி சாப்பிட வெளியில் செல்லும் போது சந்திப்பும் நடத்த வேண்டும். இதற்கு கோச்சிங் நடத்த கோவி.கண்ணன் & கோ-வை அணுகலாம்.



முக்கியமான பின்குறிப்பு:- மேலே வலதுமூலையில் க்ளிக்கி இட்லிவடையாரின் பதிவில் குறிப்பிட்டுள்ள இளம் வீராங்கனைக்கு ஏதாவது உதவுங்கள். (Thanks: SK)